ایک اور زبیر... ہم کب جاگیں گے؟
گوادر: بلدیہ کے ملازم زبیر بلوچ ایک اور زبیر... ہم کب جاگیں گے؟ کل رات ایک اور قیمتی جان ہم سے چھن گئی — بلدیہ کا ایک محنت کش، زبیر، اپنی ڈیوٹی کے دوران واپڈا کے بوسیدہ اور خطرناک تاروں کی نذر ہو گیا۔ ایک اور ہنستا مسکراتا چہرہ، ایک اور محنتی مزدور، ایک اور ماں کی امید، ایک اور بچوں کا کفیل — ہم سے ہمیشہ کے لیے جدا ہو گیا۔ ہم حسب معمول "إِنَّا لِلّهِ وَإِنَّا إِلَيْهِ رَاجِعُونَ" پڑھیں گے، دو لمحے افسوس کریں گے، دعا دیں گے کہ "اللہ تعالیٰ جنت الفردوس میں اعلیٰ مقام عطا فرمائے" — اور پھر بھول جائیں گے۔ اگلے ہفتے، ہو سکتا ہے ایک اور زبیر انہی بوسیدہ تاروں کا شکار ہو جائے۔ پھر وہی منظر، وہی جملے، وہی خاموشی، اور وہی لاپرواہی! ⚡ مسئلہ کہاں ہے؟ یہ صرف ایک "حادثہ" نہیں — یہ غفلت ہے، بدانتظامی ہے، اور جان بوجھ کر نظر انداز کرنے کی پالیسی کا نتیجہ ہے۔ کتنے بار ایسے حادثات ہو چکے ہیں؟ کتنی بار میڈیا نے شور مچایا؟ کتنی بار واپڈا نے وعدے کیے؟ مگر ان بوسیدہ تاروں کو بدلنے کا کام آج بھی نامکمل ہے۔ 🛠 کیا تبدیلی ممکن ہے؟ جی ہاں — مگر صرف تب، جب ہم بطور...